Energetika vazirligi huzuridagi “Oʻzenergoinspeksiya” tomonidan tegishli organlar bilan hamkorlikda Surxondaryo viloyatida oʻtkazilgan nazorat tadbirlarida elektr energiyasi va tabiiy gazdan noqonuniy foydalanish holatlari aniqlandi.
Xususan:
Sherobod tumanidagi “J.F.” MCHJga qarashli issiqxona elektr tarmogʻiga noqonuniy ulanganligi natijasida davlat manfaatlariga 279 mln 936 ming soʻm (622 ming 80 kVt⋅soat);
Qumqoʻrgʻon tumanidagi “H.M.” xususiy korxonasi elektr hisoblagichdan tashqari ulanganligi natijasida davlat manfaatlariga 115 mln 408 ming 800 soʻm (256 ming 464 kVt⋅soat);
Muzrabot tumanidagi “A.F.O.” xususiy korxonasi gaz tarmogʻiga oʻzboshimchalik bilan ulanganligi natijasida davlat manfaatlariga 42 mln 800 ming soʻm (64 ming 848 metr kub), jami 436 mln 144 ming 800 soʻm zarar yetkazilganligi aniqlandi.
Qoidabuzar isteʼmolchilarga nisbatan belgilangan tartibda choralar koʻrish uchun tegishli hujjatlar huquqni muhofaza etuvchi organlarga taqdim qilindi.
368
