Energetika vazirligi huzuridagi “Oʻzenergoinspeksiya” tomonidan tegishli organlar bilan hamkorlikda Samarqand viloyatida oʻtkazilgan nazorat tadbirlarida tabiiy gazdan noqonuniy foydalanish holatlari aniqlandi.
Xususan:
Pastdargʻom tumanidagi “A.B.” fermer xoʻjaligiga qarashli oshxona (428 mln 364 ming soʻm) hamda ushbu tumanidagi “F.Z.D.” oilaviy korxonasiga qarashli toʻyxona gaz tarmogʻiga oʻzboshimchalik bilan ulangani natijasida davlat manfaatlariga 520 mln 344 ming soʻm;
Oqdaryo tumanidagi “I.S.O.” oilaviy korxonasiga qarashli toʻyxona gaz tarmogʻiga noqonuniy ulanganligi natijasida davlat manfaatlariga 231 mln 152 ming soʻm;
Paxtachi tumanidagi “A.U.A.H.777” MCHJ gaz tarmogʻiga noqonuniy ulanganligi natijasida davlat manfaatlariga 114 mln 374 ming soʻm zarar yetkazgan.
Mazkur 4 ta holatda jami 1 mlrd 294 mln 234 ming (1 mln 353 ming 154 metr kub) soʻm zarar yetkazilganligi aniqlandi.
Maʼlumot uchun: ushbu miqdordagi tabiiy gaz hozirgi kunda 6 ming 765 ta xonadonning bir oylik isteʼmoliga tengdir.
Qoidabuzar isteʼmolchilarga nisbatan belgilangan tartibda choralar koʻrish uchun tegishli hujjatlar huquqni muhofaza etuvchi organlarga taqdim qilindi.
330
