«Ўзэнергоинспекция» томонидан 2019 йилда жами 692 та ҳуқуқбузарлик аниқланган бўлиб, бунда ҳуқуқбузарлар электр тармоқларига ноқонуний равишда уланган, ва бу билан электр энергиядан яширин равишда фойдаланган. Бунинг натижасида 488 истеъмолчи электр тармоқларидан узиб қўйилди.
Хусусан, Андижон вилоятида электр энергиядан фойдаланишда 107 истеъмолчи томонидан қонунбузарлик содир қилинган бўлса, Қашқадарё ва Сурхoндарё вилоятиларида тегишли равишда — 83 ва 64 шундай ҳолат аниқланган.
Ушбу ҳуқуқбузарликлар бўйича амалга оширилган ҳисоб-китобларга мувофиқ равишда, етказилган зарар бўйича ҳисобга олинмаган электроэнергиянинг қиймати қайта ҳисоблаб чиқилган, ва бу кўрсаткич 15 млрд. 756 млн.сўмни ташкил этган. Жумладан, ушбу кўрсаткич Самарқанд вилоятида - 3 млрд. 823 млн.сўмни, Андижон вилоятида - 2 млрд. 510 млн.сўмни, Тошкент вилоятида - 2 млрд. 333 млн. сўмни ташкил этди. Ҳозирuи пайтда Мажбурий ижро бюроси томонидан ушбу маблағлар ундирилмоқда.
Ноқонуний уланиш ҳолатларини ўрганиш ва тартиббузарларга нисбатан тегишли чораларнинг кўрилиши Мажбурий ижро бюроси, “Ўзэнергоинспекция” ҳамда “Ҳудудий электр тармоқлари” АЖ томонидан тасдиқланган “Электр энергияси ва табиий газ тармоқларига ноқонуний уланиш, энергия ресурсларини талон-тарож қилиш ҳолатларини аниқлаш, бартараф этиш ва олдини олиш борасида ҳамкорликда амалга ошириладиган чора-тадбирлар”га мувофиқ амалга оширилмоқда.
Қонун бузилиши ҳолатларига яққол намуна сифатида - электр тармоққа электр ҳисоблагичсиз уланиш Тошкент вилоят Бўстонлиқ туманидаги «ArchazorChimgan» МЧЖ да аниқланган. Бу ерда етказилган зарар бўйича 1 млрд. 213 млн.сўм миқдорида қайта ҳисоб-китоб амалга оширилган.
Андижон вилоятининг Хўжаобод туманида жойлашган «НСЭБ ЮФК Насос станцияси»да НТМИ кучланишли трансформаторнинг фойдаланилган электр энергияси ҳисобини юритиш тизими бузилган бўлиб, натижада 1 млрд. 30 млн.сўмлик зарар етказилган.
Самарқанд вилояти Каттақўрғон туманидаги «Лочин обод оқолтин» фермер хўжалигида электр тармоққа ноқонуний уланиш ҳолати аниқланган. Етказилган зарар қайта ҳисоб-китоб қилинганда, у 718 млн.сўмни ташкил этган.
Ўзбекистон Республикаси
Энергетика вазирлиги Матбуот хизмати
1156
