Energetika vazirligi huzuridagi “Oʻzenergoinspeksiya” tomonidan huquqni muhofaza qiluvchi organlar va elektr taʼminoti korxonalari mutaxassislari bilan hamkorlikda Andijon viloyatida oʻtkazilgan nazorat tadbirlarida elektr energiyasidan noqonuniy foydalanish holatlari aniqlandi.
Xususan:
Oltinkoʻl tumanidagi “VRB 2022” MCHJga qarashli plyonka ishlab chiqarish sexining elektr hisoblash uskunasiga tashqi taʼsir koʻrsatilganligi natijasida davlat manfaatlariga 1 mlrd 82 mln 448 ming 450 soʻm (2 mln 405 ming 441 kVt⋅soat);
Andijon shahridagi “B.X.I.” MCHJga qarashli choyxonaning elektr hisoblash uskunasiga tashqi taʼsir koʻrsatilganligi natijasida davlat manfaatlariga 326 mln 208 ming 150 soʻm (724 ming 907 kVt⋅soat);
Andijon shahridagi “ZNX F.” xususiy korxonasi elektr hisoblagichni oʻzboshimchalik bilan almashtirib yuborganligi natijasida davlat manfaatlariga 140 mln 159 ming soʻm (311 ming 464 kVt⋅soat), uchta holatda jami 1 mlrd 548 mln 815 ming 600 soʻm zarar yetkazilganligi aniqlandi.
Maʼlumot uchun: ushbu miqdordagi elektr energiyasi 16 ming 840 ta xonadonning bir oylik isteʼmoliga tengdir.
Qoidabuzar isteʼmolchilarga nisbatan belgilangan tartibda choralar koʻrish uchun tegishli hujjatlar huquqni muhofaza etuvchi organlarga taqdim qilindi.
302
