Energetika vazirligi xodimlari oʻrtasida sogʻlom turmush tarzini keng targʻib qilish va ommaviy sportni rivojlantirish maqsadida muntazam ravishda sport tadbirlari oʻtkazilib kelinmoqda.
“Sogʻ tanda – sogʻlom aql” shiori ostida vazirlik markaziy apparati xodimlari va ularning oila aʼzolari oʻrtasida navbatdagi sport tadbirlari tashkil etildi.
Xususan, joriy yilning 1-2-oktyabr kunlari xodimlar va ularning oila aʼzolari bilan birgalikda Toshkent viloyatining Boʻstonliq tumanida joylashgan “Ugam” oromgohida 2 kunlik sport-sogʻlomlashtirish tadbirlari boʻlib oʻtdi.
Tadbir davomida ayollar oʻrtasida sportning badminton va erkaklar oʻrtasida stol tennisi turlari boʻyicha musobaqalar uyushtirildi. Bundan tashqari, ertalabki badantarbiya, futbol hamda togʻ hududida yayov yurish boʻyicha sogʻlomlashtirish tadbirlari oʻtkazildi.
Musobaqa yorqin sport lahzalari, halol raqobat va shaxsiy gʻalabalarga boy boʻldi. Yakunda ayollar va erkaklar oʻrtasida faxrli 1 – 3-oʻrinlar nominatsiyalari boʻyicha gʻoliblar aniqlanib, diplom hamda esdalik sovgʻalar bilan taqdirlandi.
506
