Energetika vazirligi huzuridagi “Oʻzenergoinspeksiya” tomonidan neft mahsulotlari sifatini nazorat qilish boʻyicha joylarda muntazam ravishda nazorat tadbirlari oʻtkazib kelinmoqda.
Xususan, joriy yilning yanvar – sentyabr oylarida xususiy avtomobillarga yoqilgʻi quyish shoxobchalarida oʻtkazilgan nazorat tadbirlari davomida 225 ta holatda sifatsiz neft mahsulotlari sotilayotgani aniqlandi.
Natijada jami 179 mln 39 ming litr neft mahsulotlarining 9 mln 150 ming litri sifatsizligi bois isteʼmolga chiqarilmadi.
Sifatsiz neft mahsulotlari eng koʻp aniqlangan holatlar, asosan, Buxoro, Jizzax, Qashqadaryo va Samarqand viloyatlari hissasiga toʻgʻri keladi.
“Oʻzenergoinspeksiya” tomonidan joylarda olib borilayotgan nazorat tadbirlari davom ettirilmoqda.
432
