Siz azizlarni O‘zbek tiliga davlat tili maqomi berilganligining 34 yilligi hamda 21-oktyabr – O‘zbek tili bayrami kuni munosabati bilan samimiy muborakbod etaman.
Inson uchun kindik qoni to‘kilgan Vatani, dunyoga keltirib voyaga yetkazgan ota-onasi qanchalik aziz va muqaddas bo‘lsa, uning o‘zligi va ma’naviy olamini belgilaydigan ona tili ham shunchalik qadrli va moʻtabardir.
So‘nggi yillarda muhtaram Prezidentimiz tashabbuslari bilan mamlakatimizda o‘zbek tilini rivojlantirish, uning hayotimizdagi o‘rni va ta’sirini oshirish borasida ko‘plab ishlar amalga oshirilmoqda.
Xususan, 21-oktyabr – O‘zbek tili bayrami kuni deb belgilangani ham unutilmas tarixiy voqea bo‘ldi. O‘zbek tilining nufuzi va maqomini yuksaltirishga qaratilgan qator farmon va qarorlar, me’yoriy hujjatlar qabul qilinmoqda.
Ushbu fursatdan foydalanib, milliy o‘zligimiz va g‘ururimiz timsoli bo‘lgan ona tilimizni asrab-avaylash va rivojlantirishdek sharafli ishga munosib hissa qo‘shib kelayotgan barcha fidoyi vatandoshlarimizga vazirlik jamoasi nomidan chin qalbdan minnatdorlik bildiramiz.
Sizlarni yana bir bor O‘zbek tili bayrami bilan samimiy qutlab, barchangizga mustahkam sog‘lik, oilangizga qut-baraka, tinchlik-omonlik tilayman.
Ona tilimiz mangu yashasin!
Hurmat bilan,
Jo‘rabek Mirzamahmudov,
O‘zbekiston Respublikasi Energetika vaziri
347
