Joriy yilning 24-oktyabr kuni Energetika vazirligi huzuridagi “Oʻzenergoinspeksiya” tomonidan “Hududgaz Samarqand” gaz taʼminoti filiali mutaxassislari bilan Samarqand viloyatida oʻtkazilgan nazorat tadbirlarida maishiy gaz ballonlari noqonuniy tarzda, texnika va yongʻin xavfsizligi talablariga mutlaqo zid ravishda saqlanayotganligi aniqlandi.
Xususan, Samarqand tumani, Dashtisuxta mahallasida istiqomat qiluvchi fuqaro D.A. xonadonida “Hududgaz Samarqand” gaz taʼminoti filialiga qarashli boʻlgan, aholi xonadoniga imtiyozli ravishda tarqatilishi belgilangan 261 dona maishiy gaz balloni noqonuniy tarzda saqlanayotgani maʼlum boʻlgan.
Mazkur qoidabuzarlik holati boʻyicha tegishli hujjatlar rasmiylashtirilib, belgilangan tartibda chora koʻrish uchun huquqni muhofaza etuvchi organlarga taqdim qilindi.
294
