Bugungi kunda isteʼmolchilarni sifatli va barqaror elektr energiyasi bilan taʼminlash borasida qator loyihalar amalga oshirilmoqda.
Xususan, “Hududiy elektr tarmoqlari” AJ Toshkent shahar filiali tomonidan Mirzo Ulugʻbek tumani elektr taʼminoti korxonasi tasarrufidagi “Botanika” podstаnsiyasiga har birining quvvati 80 000 kVАdan boʻlgan 2 ta yangi zamonaviy kuch transformatori olib kelindi.
Tumanning “Olimlar”, “Magʻrur”, “Olihimmat”, “Navnihol”, “Oqqoʻrgʻon”, “Salarboʻyi”, “Sayram” va “Darxon” MFYlaridagi 10 mingdan ortiq aholi hamda 400 dan ziyod tadbirkorlik subyektlarini elektr energiyasi bilan taʼminlovchi 110/35/6 kVli, 1967-yilda qurilgan “Botanika” podstansiyasidagi mavjud 40 000 va 63 000 kVА boʻlgan kuch transformatori 80 000 kVA quvvatdagi 2 ta kuch transformatoriga almashtirilmoqda.
Bu bilan uzoq yillardan buyon xizmat koʻrsatib kelayotgan podstansiyaning quvvati qariyb ikki barobar oshiriladi va natijada hududdagi isteʼmolchilarni elektr energiyasi bilan sifatli taʼminlash bilan bir qatorda, qoʻshimcha 40 MVt elektr energiyasining zaxirasi yaratilishiga erishiladi.
349
