Avval xabar berganimizdek, Muvofiqlashtiruvchi komissiyaning 42-yigʻilishi oʻz ishini boshladi. Kun tartibidagi masalalarga muvofiq, dastlab 2023-yil vegetatsiya, yaʼni qishloq xoʻjaligining sugʻorish mavsumida Markaziy Osiyoda mavjud suv resurslarini samarali boshqarish masalalari muhokama etildi.
Soʻng 2023/2024-yil kuz-qish mavsumida kutilayotgan muammolar va ularning yechimlari, bundan tashqari, mintaqada qurilayotgan yangi energiya bloklari (stansiyalar), qayta tiklanuvchi energiya manbalarini Markaziy Osiyo elektr energetika halqa tizimiga ulash hamda ulardan oqilona foydalanish masalalari koʻrib chiqildi.
Eslatib oʻtamiz, xalqaro tadbirda Tojikiston, Qozogʻiston, Qirgʻiziston va Turkmaniston elektr energetika tashkilotlari vakillari ishtirok etmoqda. Rossiya Federatsiyasi mutaxassislari kuzatuvchi maqomida qatnashmoqdalar.
368
