Soʼnggi yillarda gidroenergetika sohasini rivojlantirishga katta eʼtibor qaratilmoqda, chunki GESlar ishlab chiqariladigan elektr tannarxi boshqa manbalarga nisbatan ancha arzon, ular energetikada kunlik energiyani barqaror taʼminlashda eng samarali vositadir.
Hisob-kitoblarga koʼra, yurtimizdagi gidroenergetika salohiyati 8 ming megavattni tashkil qiladi. Аyniqsa, Toshkent, Surxondaryo va vodiy viloyatlarida bu borada katta salohiyat bor.
Joriy yilda “Toʼpalang” GESni modernizatsiya qilish ishlari yakunlanib, uning quvvati 30 megavattdan 175 megavattga oshdi.
“Dargʼom” kanalida 7,2 megavattli “Shaudar” GESi foydalanishga topshirildi.
Lekin hozirda jami gidroenergetika quvvatlari mavjud salohiyatga nisbatan 2-3 barobar kam.
Shu bois, yangi loyihalarni boshlash boʼyicha katta marralar olingan. Sohaga xususiy sektorni keng jalb qilish uchun barcha sharoitlar yaratib berilgan.
483
