Soʼnggi besh yilda tarmoq va transformatorlarni modernizatsiya qilishga 4 trillion soʼmdan ziyod mablagʼ ajratilgani taʼkidlandi.
Lekin, ayrim viloyat hokimlari oʼzlari harakat qilib, mahallalarda transformator va tarmoqlarni yaxshilashga, kuz-qishni betalafot oʼtkazish uchun mablagʼlar, transformator, sim va boshqa ehtiyot qismlar zaxirasini shakllantirishga yetarli eʼtibor qaratmayotgani koʼrsatib oʼtildi.
Umuman, hududlardagi 33 mingta transformator, 122 ming kilometr elektr tarmoqlari eskirgan, oqibatda ishlab chiqarilgan elektrning 12 foizi yoʼqotilgan. 20 ta tumanda elektr yoʼqotishlari hajmi respublika koʼrsatkichidan 1,5 barobar yuqori.
Shu munosabat bilan Energetika vazirligiga hududlarda eskirgan transformator va tarmoqlarni yangilash boʼyicha uch yillik dastur ishlab chiqish, viloyat hokimlari va prokurorlariga dasturni amalga oshirish yuzasidan topshiriqlar berildi.
2026 yilga borib jami yoʼqotishlar hajmini 8 foizga tushirish shartligi taʼkidlandi.
376
