Energetika vazirligi va “Issiqlik elektr stansiyalari” AJ tizimidagi Shirin energetika kollejiga Saudiya Arabistonining “ACWA Power” kompaniyasi raisi Muhammad Abunayyan boshchiligidagi delegatsiya tashrif buyurdi.
Tashrif doirasida “ACWA Power” kompaniyasi bilan hamkorlikda Shirin energetika kollejida olib borilayotgan ishlar va kelgusidagi rejalar, hamkorlikni yanada kengaytirish uchun yangi loyihalarni joriy etish yuzasidan kompaniya raisi tomonidan o‘quvchilarga ma’lumot berildi.
Shuningdek, uchrashuv davomida kollejning iqtidorli bir guruh talabalariga faxriy yorliqlar hamda esdalik sovg‘alari topshirildi.
Ma’lumot o‘rnida, kollejda elektromontyor, elektr stansiyasi uskunalarini ta’mirlash bo‘yicha chilangar, payvandlovchi, axborot vositalari mashinalari va kompyuter tarmoqlari operatori yo‘nalishlari bo‘yicha o‘qitish yo‘lga qo‘yilgan bo‘lib, kollejni yuqori natijalarda tamomlagan o‘quvchilar “ACWA Power” kompaniyasi oliy o‘quv yurtlarida grant asosida tahsil olishlari va kelgusida ish bilan ta’minlanishlari maqsad qilingan.
816
