Prezidentimiz tashabbusi bilan mamlakatimizda amalga oshirilayotgan “Yashil makon” umummilliy harakati doirasida “Hududiy elektr tarmoqlari” Navoiy hududiy filiali tomonidan ham obodonlashtirish, koʻkalamzorlashtirish, daraxt koʻchatlarini ekib, bogʻ yaratish ishlari avj pallasiga kirgan.

Kuzgi daraxt ekish mavsumida filialning barcha boʻlimlari va xizmatlari ushbu umummilliy loyiha atrofida birlashib, daraxt koʻchatlari ekishmoqda.

Filial tashabbusi bilan Navbahor tumanidagi Kelachi mahallasi hududidan ajratilgan 1,6 gektar yer maydonida “Energetiklar bogʻi” tashkil qilinib, bu yerga boʻlim va xizmat xodimlari ishtirokida oʻn ming tup mevali hamda manzarali daraxt koʻchatlari qadaldi.

14.11.2023

435