Ayni paytda “Hududiy elektr tarmoqlari” AJ Toshkent shahar filiali ishchi-xodimlari tomonidan Olmazor tumanidagi “Sagʻbon” podstansiyasida vujudga kelgan avariya holatini bartaraf etish boʻyicha amaliy saʼy-harakatlar qilinmoqda.
Xususan, buning uchun barcha kuch va zarur texnika vositalari safarbar etilgan boʻlib, elektr taʼminotini tezkor tiklash choralari koʻrilmoqda.
Toshkent shahri isteʼmolchilarini barqaror elektr energiyasi bilan taʼminlash maqsadida olib borilayotgan modernizatsiya ishlari jarayonida, yaʼni quvvati 40 000 kVA boʻlgan yangi kuch transformatorini almashtirish paytida taʼminot vaqtinchalik ikkinchi transformatorga oʻtkazilgani uchun tarmoqda yuklama oshib ketgan hamda bu avariya holati yuzaga kelishiga sabab boʻlgan.
Modernizatsiya ishlari vaqtida yuzaga kelgan favqulodda uzilish tufayli keltirilgan noqulayliklar uchun isteʼmolchilardan uzr soʻraymiz.
320
