Bugungi kunda respublikamizda kichik quvvatli qayta tiklanuvchi energiya manbalarini, shu jumladan mikro va kichik GESlarni keng joriy etish bo‘yicha qator islohotlar amalga oshirilmoqda.
Xususan, Prezidentimizning 2022-yil 9-sentabrdagi 220-son Farmoni bilan yurtimizda xususiy investorlarga quvvati 5 MVtgacha bo‘lgan mikro va kichik gidroelektr stansiyalarni qurish loyihalari ro‘yxati va ulardan foydalanish bo‘yicha yangi mexanizm joriy etilgan edi.
Shunga asosan 56 ta auksion savdolari o‘tkazilib, undan 51 tasida g‘oliblar aniqlandi hamda mikro va kichik GESlarni qurish bo‘yicha amaliy ishlar boshlandi. Bu borada Andijon viloyati bo‘yicha amalga oshirilgan ishlarni namuna sifatida ko‘rsatsak bo‘ladi.
Yuqoridagi ishlarni davom ettirgan holda respublika bo‘ylab mikro va kichik GESlarni qurish mumkin bo‘lgan salohiyatli maydonlarni aniqlanib Farmoning 3-ilovasida tasdiqlangan mikro va kichik GESlarni qurish loyihalar ro‘yxatiga qo‘shimchalar kiritildi va amalga oshirilishi boshlangan loyihalar ro‘yxatdan chiqarildi.
Ushbu loyihalar (maydonlar) ro‘yxati bilan quyidagi ilova orqali tanishishingiz mumkin.
Xususiy tadbirkorlarga ushbu ro‘yxatga kiritilgan loyihalarda faol ishtirok etishlarini so‘rab qolamiz.
Shuni qayd etish lozimki, ro‘yxatga kiritilgan 152 ta loyihani amalga oshirilishi natijasida 43,7 MVt yangi quvvatlar yaratilib, yiliga 165 mln kVt·soat ishlab chiqarish va bu orqali 50 mln kub metr tabiiy gaz tejalishiga erishiladi.
Xususiy investorlarga quvvati 500 kVtgacha bo‘lgan mikro gidroelektr stansiyalarini qurish uchun taklif etilayotgan loyihalar (maydonlar) RO‘YXATI:
305
