Bugun, 1-dekabr kuni Energetika vazirligida “Korrupsiyaga qarshi kurashish oyligi” doirasida “Korrupsiyaga qarshi kurashishda barchamiz mas’ulmiz” shiori ostida navbatdagi davra suhbati o‘tkazildi.
Unda vazirlik rahbariyati va mas’ul xodimlari, “O‘zenergoinspeksiya” mas’ullari ishtirok etdilar.
Tadbirga O‘zbekiston Respublikasi Bosh prokuraturasi, Korrupsiyaga qarshi kurashish agentligi va Din ishlari bo‘yicha qo‘mita mutaxassislari taklif etildi.
Davra suhbatida yoqilg‘i-energetika sohasida korrupsiyaviy jinoyatlar salmog‘i va ularni oldini olish bo‘yicha amalga oshirilayotgan ishlar xususida batafsil to‘xtalib o‘tildi. Xodimlardan korrupsiyaga qarshi murosasiz munosabatda bo‘lish bo‘yicha ko‘rilayotgan choralarda faol ishtirok etishi bosh vazifalardan biri ekanligi alohida ta’kidlandi. Mutaxassislar tomonidan ushbu illatning diniy va ma’naviy jihatdan ham qanday salbiy oqibatlari mavjudligi xususida fikr-mulohazalar bildirildi.
Shuningdek, davra suhbatida yoqilg‘i-energetika resurslaridan noqonuniy foydalanishning jinoyat etib belgilanganligi, bu borada O‘zbekiston Respublikasining Jinoyat hamda Ma’muriy javobgarlik to‘g‘risidagi kodekslariga tegishli o‘zgartirishlar kiritilganligi hamda Prezidentimizning topshiriqlariga asosan ushbu tizimni “korrupsiyasiz sohaga” aylantirish bo‘yicha tegishli qaror loyihasi ishlab chiqilganligi, bu borada inson omilini kamaytirish, faoliyatni raqamlashtirish bo‘yicha tizimli ishlar amalga oshirilayotganligi qayd etildi.
Tadbir so‘ngida mutaxassislar tomonidan ishtirokchilarning bergan savollariga atroflicha ma’lumot berildi.
O‘zbekiston Respublikasi
Energetika vazirligi Axborot xizmati
383
