Bugun ijtimoiy tarmoqda “Svetsiz ham musobaqa o‘tkazsa bo‘larkan-ku” sarlavhali xabar e’lon qilindi. Unda Samarqand shahridagi 31-maktabda 23-dekabr kuni soat 18:24 da elektr energiyasi yo‘qligi to‘g‘risida xabar berilgan.
Mazkur holat yuzasidan quyidagilarni ma’lum qilamiz:
Kecha, 23-dekabr kuni soat 18:20 da Samarqand shahridagi 453-sonli transformator punktida nosozlik yuzaga kelgan.
Shundan so‘ng “Hududiy elektr tarmoqlari” AJ Samarqand hududiy filialining maxsus brigadasi tomonidan soat 18:38 da ushbu nosozlik bartaraf etilgan va iste’molchilarning elektr ta’minoti 18 daqiqa ichida qayta tiklangan.
Ya’ni, videoda aytilganidek, maktabda 1 soat emas, 18 daqiqa mobaynida elektr ta’minotida uzilish kuzatilgan.
Shu o‘rinda ayrim ijtimoiy tarmoq adminlaridan tasdiqlanmagan, ishonchsiz xabarlarni tarqatmasliklarini so‘rab qolamiz.
Iste’molchilardan esa yetkazilgan noqulaylik uchun uzr so‘raymiz.
205
