VARSHAVA, 17-yanvar. /"Dunyo" AA/. Polshaning "PAP" davlat axborot agentligi O'zbekistonda qayta tiklanadigan energiya manbalari bo'yicha yirik loyiha ishga tushirilgani haqidagi maqola e'lon qildi, deb xabar bermoqda "Dunyo" AA muxbiri.
Unda qayd etilishicha, O'zbekistonda qayta tiklanadigan energiya manbalaridan foydalanish bo'yicha ilg'or loyiha doirasida 3 GVt dan ortiq shartnomalarga ega quyosh energiyasi monitoringi tizimlarining yirik yetkazib beruvchisi "Arctech" 2023-yil 27-dekabrda SkyWings bir o'qli trekerlarini ishga tushirdi va bu umumiy quvvati 1 GVt bo'lgan China Energy Engineyering Group (CEYEC) quyosh elektr stansiyasi loyihasining birinchi bosqichi hisoblanadi.
«Qayta tiklanadigan energiya salohiyatining 97 foizini qoplaydigan ulkan quyosh energetika resurslariga ega O'zbekiston 2050 yilgacha uglerod neytralligiga erishishga qaratilgan yirik energiya o'tish strategiyasini birinchilardan bo'lib amalga oshirmoqda. O'zbekistonning infratuzilmani rivojlantirish bo'yicha asosiy hamkori bo'lgan CEYEC loyihasi, 8,1 milliard AQSH dollaridan ortiq "yashil" investitsiyalari bilan qayta tiklanadigan energiya sohasida inqilobiy yutuqlarning yangi davrini boshlab bermoqda», - deyiladi maqolada.
Nashrda ma'lum qilinishicha, CEYEC loyihasi Markaziy Osiyodagi eng yirik quyosh elektr stansiyasi loyihasi sifatida ulkan yutuqdir. 1 GVt quvvatga ega loyiha to'liq ishga tushirilgach, yiliga 2,4 milliard kVt/soat quvvat ishlab chiqaradi va 1600 ta yangi ish o'rni yaratiladi.
«Prezident Shavkat Mirziyoyev ishtirok etgan quyosh va shamol elektr stansiyalarini tarmoqqa ulashga bag'ishlangan marosim O'zbekistonning "Arctech" kabi hamkorlarning yechimlaridan foydalangan holda energiya almashinuvini rivojlantirish va quyosh energiyasining ulkan salohiyatidan to'g'ri foydalanishga sodiqligini yana bir bor tasdiqladi», - deyiladi nashrda.
Mamlakat iqtisodiyoti ochiqlik sari davom etar ekan, CEYEC kabi Xitoy kompaniyalari qayta tiklanadigan energiya salohiyatini rivojlantirishni qo'llab-quvvatlashda tobora muhim rol o'ynamoqda. Quyosh energiyasi resurslarining boyligi tufayli texnologiyalar transferi va ishchi kuchini tayyorlash kabi yo'nalishlarda hamkorlik barqaror kelajak uchun yo'l ochadi.
«Ushbu innovatsion loyiha Xitoy va Markaziy Osiyo o'rtasida «Bir makon, bir yo'l» tashabbusi doirasida "yashil" infratuzilmani yaratish bo'yicha hamkorlikni mustahkamlash ramzi hisoblanadi. Xitoy korxonalari O'zbekistonning energetika sohasini isloh qilish bo'yicha ulkan rejalarini amalga oshirishni jadallashtirish uchun tajriba, texnologiya va sarmoyalarni almashishga tayyor», - deb yozgan "PAP".
"Dunyo" AA
253
