O‘zbekistonda qayta tiklanuvchi energiya manbalarini joriy etish ishlari yuqori sur’atlarda davom etmoqda va ushbu qurilmalarga texnik xizmat ko‘rsatish muhim hisoblanadi.
Jizzax viloyatida kichik quvvatli qayta tiklanuvchi energiya manbalari qurilmalarini o‘rnatish va ekspluatatsiya qilish ishlarini tizimli tashkil etish bo‘yicha “Yashil energiya” kompaniyasining filiali faoliyati yo‘lga qo‘yildi.
Xususan, kecha, 17-yanvar kuni kompaniyaning Jizzax viloyatida quyosh panellariga texnik xizmat ko‘rsatish servis markazi ishga tushirildi.
Eslatib o‘tamiz, 2023-yilning 10-11-dekabr kunlari Andijon viloyati va Qoraqalpog‘iston Respublikasida xuddi mana shunday quyosh panellariga texnik xizmat ko‘rsatish servis markazlari ishga tushirilgan edi.
Ma’lumot uchun: O‘zbekistonning qolgan 11 ta hududida ham mana shunday servis markazlari ishga tushirilishi rejalashtirilgan.
308
