2024-yil 1-yanvar holatiga jami iste’molchilar – 8 089 339 ta. Shundan,
➖ulgurji iste’molchilar – 433 217 ta,
➖jismoniy shaxslar (aholi) – 7 656 307 ta.
Jamiyat tomonidan 2023-yilda amalga oshirilgan ishlar
2023-yilda “Hududiy elektr tarmoqlari” AJ tomonidan 64,0 mlrd kVt·soat (foydali uzatma) elektr energiyasi yetkazib berildi. 2022-yilning mos davriga nisbatan o‘sish sur’ati 108,0% ga oshdi.
Bugungi kunda Jamiyat balansidagi 0,4-110 kVli elektr uzatish tarmoqlarining umumiy uzunligi 277 671,6 km.
Shundan,
110 kV – 14 655,4 km; 35 kV – 13 992,2 km; 10 kV – 87 007,9 km; 6 kV – 14 583,8 km; 0,4 kV – 147 432,3 km.
Jami transformator punktlar soni – 94 538 ta.
shundan, 10/0,4 kV gacha – 76 804 dona, 6/0,4 kV – 17 734 dona
Jami podstansiyalarning umumiy soni 1 802 ta
shundan, 110 kV – 737 ta.; 35 kV – 1 063 ta, 10 kV – 2 ta.
2023-yil davomida elektr energiyasi barqarorligini ta’minlash maqsadida 0,4-110 kV – 29 464 km uzunlikda elektr tarmoqlari va 10 157 dona transformator punkti mukammal ta’mirdan chiqarildi. Bundan tashqari 35-110 kV quvvatga ega podstansiyalarda 99 dona kuch transformatori to‘liq ta’mirlandi.
0,4-6-10 kV – 9 850 km uzunlikda elektr tarmoqlari va 3 288 dona transformator punktlari yangilandi. Bundan tashqari 164 km 35-110 kV elektr uzatish tarmoqlari 19 ta podstansiyalar yangi qurildi hamda 24 ta podstansiya modernizatsiya qilindi. Bulardan:
1. Toshkent shahri Yashnobod tumanida “Olmos” podstansiyasi
2. Namangan viloyati To‘raqo‘rg‘on tumanida “Yuksalish” podstansiyasi
3. Toshkent viloyati Angren tumanida “Apartak” podstansiyasi
4. Surxondaryo viloyatida Sariosiyo tumanida “Olchazor-2” podstansiyasi
5. Toshkent viloyati Quyi Chirchiq tumanida “TCT cluster” MChJga elektr ta’minoti uchun yangi podstansiya
2023-yilda 160 567 ta temir-beton tayanchlari va 65 000dan ortiq travers maxsulotlari ishlab chiqarildi.
Iste’molchilarga jami 7 824 241 elektron hisoblagichlar o‘rnatilgan. Shundan 2023-yil davomida 420 000 elektron hisoblagichlar o‘rnatilgan.
Jami 7 643 239 ta billing tizimiga ulangan. Shundan 2023-yil davomida 450 000 yaqin elektron hisoblagichlar “billing” tizimiga ulandi.
2023-yil XRONOLOGIYASI:
➖ 27-yanvar Mamlakatimizda kuzatilgan anomal sovuq ob-havo sharoitida elektr energetikasi tizimida sodir bo‘lgan avariyali holatlarni tezkor bartaraf etish, ta’minotni tiklashda jonbozlik ko‘rsatgan energetiklarimiz munosib taqdirlandilar.
➖ 14-mart “Ayollarning energetika sohasida tutgan o‘rni” mavzuida seminar-trening o‘tkazildi.
➖ 18-may “Hududiy elektr tarmoqlari” AJ xodimlari “Yoshlar marofoni”da faol ishtirok etib, yuqori natijalarni qayd etishdi.
➖ 24-may Oliy Majlis qonunchilik palatasi deputatlari elekt energiya sotishni avtomatlashtirish filali faoliyati bilan tanishdi.
➖ 8-iyul “Elektr tarmoqlaridan foydalanish sohasini rivojlantirish bo‘yicha olib borilayotgan izchil islohotlar” mavzuida xalqaro energetika forumi o‘tkazildi;
➖ Energetika forumi doirasida ikki tomonlama shartnoma imzolandi
➖ 7-sentabr “Elektr ta’minoti tizimining dolzarb muammolari” mavzusida III Xalqaro ilmiy-texnik anjumanida qatnashdi.
➖ 14-oktabr Prezident Shavkat Mirziyoev Toshkent shahrida Shayxontohur tumanida qurilgan yangi podstansiya bilan tanishdi
➖ 18-sentabr “Fitch Rating” xalqaro reyting agentligining joriy yil hisobotida “Hududiy elektr tarmoqlari” AJning xalqaro indikativ reytingini “BB-” “Barqaror” darajada qayta tasdiqladi.
➖ 22-oktabr Ozarbayjon Respublikasida o‘tkazilgan “HADRUT-2023” musobaqasida g‘olib o‘rinni egalladi.
➖ 16-noyabr ijro apparati ayol xodimalarining salomatligini saqlash maqsadida tibbiy ko‘rik tashkil etildi.
➖ Energetika tizimida korrupsiyani oldini olish va jamiyatda sog‘lom muhitni shakllantirish yuzasidan ochiq muloqotlar tashkil etildi.
➖ Tabiiy hamda texnogen xususiyatli favqulodda vaziyatlarning oldini olish va bartaraf etish yuzasidan maxsus-taktik o‘quv mashg‘ulotlar o‘tkazildi
➖ Kuz-qish mavsumiga tayyorgarlik ko‘rish maqsadida har bir hududlar qo‘shimcha zaxira materiallari bilan ta’minlandi.
➖ Xodimlarning bilim saviyasi, tajriba va ko‘nikmalarini oshirish uchun tajribali muhandis va energetiklar ishtirokida o‘quv-seminarlar muntazam o‘tkazildi.
➖ Quyosh panellarini o‘rnatish bo‘yicha “Quyoshli xonadon” dasturi bo‘yicha ishlar amalga oshirilishi boshlandi.
➖ Jurnalistlar uchun press-turlar tashkil etildi
➖ “Hududiy elektr tarmoqlari” AJ tarkibiy korxonalari tomonidan “Yashil makon” umummilliy loyihasi doirasida qariyb 125 ming tup daraxt ekildi.
➖ Ma’naviy tadbirlar doimiy ravishda o‘tkazilib ijodiy uchrashuvlar o‘tkazildi.
“Hududiy elektr tarmoqlari” AJ Matbuot xizmati
1644
