“Oʻzbekgidroenergo” AJ birja savdolarida mazkur sertifikatlarning sotuvchisi sifatida ishtirok etmoqda. Xususan, sotuvchi tomonidan birjada sertifikatlar uchun standart birja shartnomasi ochilgan. Bir dona “yashil energiya” sertifikati qayta tiklanuvchi energiya manbalaridan foydalangan holda 1000 kVt·soat elektr energiyasi ishlab chiqarilganligini tasdiqlaydi.
Oʻtkazilgan birja savdolari natijalariga koʻra, birja orqali 26,7 mln soʻmlik dastlabki 2000 ta sertifikatlar sotildi. Sertifikat boʻyicha birjada shakllangan dastlabki birja kotirovkasi bir dona sertifikat uchun 13 360,0 soʻmni tashkil qildi.
Sertifikatlar boʻyicha oʻtkazilayotgan birja savdolarida xaridor sifatida yakka tartibdagi tadbirkorlar, mahalliy korxonalar yoki xorijiy kompaniyalar erkin ishtirok etishlari mumkin.
“Yashil energetika” sertifikatlarini birja savdolari orqali sotilishi qayta tiklanuvchi energiya loyihalarini amalga oshirish uchun qoʻshimcha moliyalashtirish manbalarini shakllantirish va mahalliy ishlab chiqaruvchi korxonalar oʻz mahsulotlarini Yevropa va boshqa rivojlangan davlatlar bozorlariga eksport qilishda imtiyozlardan foydalanish imkonini beradi.
Eslatib oʻtamiz, Oʻzbekiston Respublikasi Prezidentining 2023-yil 12-maydagi PQ-156-son qaroriga muvofiq, Oʻzbekiston Respublikasida “yashil energiya” sertifikatlari tizimi joriy etilib, Oʻzbekiston respublika tovar-xom ashyo birjasi birja savdolarida “yashil energiya” sertifikatlarini sotishga moʻljallangan alohida “yashil energetika seksiyasi” tashkil qilingan.
Oʻzbekiston Respublikasi Iqtisodiyot va moliya vazirligi mazkur tizimni tartibga soluvchi masʼul organ (emitent) sifatida Xalqaro qayta tiklanuvchi energiya manbalarini sertifikatlash tashkiloti (I-REC) akkreditatsiyasidan oʻtgan.
Yurtimizda faoliyat yuritayotgan “UZBAT” AJ qoʻshma korxonasi birja savdolari orqali “Oʻzbekgidroenergo” AJning 2000 dona “yashil energiya” sertifikatlarini xarid qildi.
Kuni kecha oʻtkazilgan birja savdolari natijalariga koʻra, birja orqali 26,7 mln soʻmlik dastlabki 2000 ta sertifikat sotildi. Sertifikat boʻyicha birjada shakllangan dastlabki birja kotirovkasi bir dona sertifikat uchun 13 360,0 soʻmni tashkil qildi.
Eslatib oʻtamiz, “Yashil energiya” sertifikati qayta tiklanuvchi energiya manbalaridan foydalangan holda elektr energiyasi ishlab chiqarilganligini tasdiqlovchi elektron hujjat hisoblanadi.
I-REC (Xalqaro qayta tiklanuvchi energiya manbalarini sertifikatlash tashkiloti) sertifikatlari GHGP, CDP, RE100, ISO va boshqalar kabi barqaror rivojlanishning xalqaro standartlariga muvofiq beriladi. Elektr energiyasi isteʼmolchilari ulardan ushbu standartlar talablariga javob berish, shuningdek, korporativ ijtimoiy javobgarlik sohasidagi maqsadlariga erishish uchun foydalanishlari mumkin. Qolaversa, bu bugʻ gazlari chiqindilarini kamaytirish imkonini beradi. Oʻz navbatida, ularning ekologik nufuzini yaxshilashga va yangi isteʼmolchilarni jalb qilishga yordam beradi. Shu bilan birga, eksport kompaniyalari uchun yangi bozorlarga kirish, oʻz mahsulotlarining raqobatbardoshligini oshirish, xalqaro bozor talablariga muvofiqlashtirish hamda belgilangan bojxona imtiyozlariga ega boʻlish imkoniyatini yaratadi.
460
