“Hududiy elektr tarmoqlari” AJ, DXX va Bosh prokuratura huzuridagi Departamentning tuman boʻlimi vakillari hamkorligida Toshkent shahri va Toshkent viloyatida oʻtkazilgan navbatdagi reyd tadbirlari davomida elektr energiyasidan noqonuniy foydalanish holatlari aniqlandi.
➖Qibray tumani, “Baytqoʻrgʻon” MFY hududida yashovchi fuqaro S.M. oʻz xonadonida 3 dona mayning qurilmasini tijorat maqsadida umumiy foydalanishdagi elektr tarmogʻiga oʻzboshimchalik bilan ulab, jami 579,4 mln soʻmlik elektr energiyasini oʻgʻirlaganligi;
➖Mirzo Ulugʻbek tumani, Alisherobod hududida yashovchi fuqaro F.R. oʻz xonadonida 4 dona mayning qurilmasini elektr taʼminoti korxonasi “Elektrhisob” DK roʻyxatidan oʻtkazmasdan, elektr tarmogʻiga oʻzboshimchalik bilan ulab, jami 365,2 mln soʻmlik elektr energiyasini oʻgʻirlaganligi maʼlum boʻldi.
Mazkur holatlar yuzasidan dalolatnomalar rasmiylashtirilib, toʻplangan hujjatlar huquqni muhofaza qiluvchi organlarga taqdim etildi.
314
