“Yashil energiya” mas’uliyati cheklangan jamiyati O‘zbekiston Respublikasi Prezidentining tegishli qaroriga asosan tashkil etilgan bo‘lib, uning asosiy vazifalari ijtimoiy soha obyektlari, davlat organlari hamda boshqa tashkilotlarning bino va inshootlarida kichik quvvatli qayta tiklanuvchi energiya manbalari qurilmalarini o‘rnatish hamda ekspluatatsiyasini nazorat qilishdan iboratdir.
Kompaniyaning respublika bo‘yicha hududiy filiallarga ham ega.
Mazkur filiallar quyosh fotoelektr stansiyalarining ish rejimlarini doimiy nazorat qilish, yuzaga kelgan nosozliklarni o‘z vaqtida aniqlash hamda bartaraf etish, quyosh panellariga servis xizmati ko‘rsatish singari xizmatlarni taqdim qilib kelmoqda.
Quyosh panellari bilan bog‘liq muammolar ham filiallar xodimlari tomonidan muntazam bartaraf etib borilyapti.
Xususan, obyektlarda o‘rnatilgan quyosh panellarining yuzasida vaqt o‘tib begona jismlar va changlar paydo bo‘ladi.
Bu esa, o‘z navbatida, modulning foydali ish koeffitsiyentini kamaytirib, ekspluatatsiya muddati qisqarishiga olib kelishi mumkin.
Ayniqsa, chang-g‘ubor ko‘p bo‘lgan joylar masalan, avtomobil yo‘li bo‘yidagi yoki ishlab chiqarish korxonalariga yaqin joydagi imoratlarda o‘rnatilgan quyosh panellari bu kabi muammoga ko‘p va tez duch kelishadi.
Mazkur muammolarning yechimi – vaqti-vaqti bilan quyosh panellarini tozalab turishdir.
Shu maqsadda “Yashil energiya” kompaniyasi endilikda quyosh panellarini changlardan tozalash xizmatini ham yo‘lga qo‘ydi. Kelgusida kompaniya mutaxassislari respublika hududlari bo‘ylab o‘rnatilgan panellarni changlardan tozalash ishlarini ham amalga oshirib boradilar.
Buning uchun +998-55-511-88-44 raqami yordamida kompaniyaga murojaat qilishingiz kifoya.
“Yashil energiya” – tabiat musaffoligi garovi!
836
