Oʻtgan oyda Germaniyada 1,25 GVt quvvatdagi quyosh energiyasi quvvatlari oʻrnatildi va oy oxiriga kelib, mamlakatning umumiy quyosh fotoelektr stansiyalari quvvati 82,19 GVtga yetkazildi.
Germaniya Federal tarmoq agentligining (Bundesnetzagentur) xabar berishicha, bu mantiqan toʻgʻri raqam. Chunki 2023-yilning yanvar oyida mamlakatda 780 MVt va 2023-yil yakunida taxminan 1017,3 MVt quvvatdagi quyosh fotoelektr stansiyalari oʻrnatilgan edi.
2024-yil fevralida mamlakatdagi jami quyosh fotoelektr stansiyalari quvvati 82,19 GVtni tashkil etdi. Bu 3,7 milliontadan ortiq “quyosh” loyihalarini tashkil qiladi.
Eʼtiborlisi shundaki, yanvarda oʻrnatilgan quyosh fotoelektr stansiyalarining katta qismi, yaʼni 816,5 MVt quvvati aholi xonadonlariga oʻrnatilgan quyosh panellari hissasiga toʻgʻri keladi.
“Bundesnetzagentur”, shuningdek, mamlakatda tender tanlovlari asosida bir oy davomida taxminan 208,9 MVt quvvatli quyosh fotoelektr stansiyalari oʻrnatilganini maʼlum qildi. Oylik hajmning yana 106,2 MVt quvvati elektr energiyasini sotib olish shartnomalari (PPAs) boʻyicha ishlaydigan yirik quyosh fotoelektr stansiyalari hissasiga toʻgʻri kelgan.
Germaniyada 2017-yilda 1,75 GVt, 2018-yilda 2,96 GVt, 2019-yilda 3,94 GVt, 2021-yilda 5,26 GVt, 2022-yilda 7,19 GVt va 2023-yilda esa 14,28 GVt quvvatdagi quyosh fotoelektr stansiyalari oʻrnatilgan.
237
