➖Bosh prokuraturasi huzuridagi Departamentning Surxondaryo va Andijon viloyati boshqarmalari hududiy bo‘limlari tomonidan IIB hamda soliq idoralari xodimlari bilan hamkorlikda o‘tkazilgan tezkor tadbirlarda 23 nafar fuqaro yong‘in xavfsizligi qoidalarini buzgan holda noqonuniy daromad orttirish maqsadida qimmat narxlarda “Ai-80” markali benzin yoqilg‘isini chakana sotish bilan shug‘ullanib kelayotganliklari aniqlanib, ulardan jami 1 076 litr benzin yoqilg‘isi ashyoviy dalil sifatida olingan.
➖Shuningdek, Departamentning Sirdaryo va Samarqand viloyati boshqarmalari hududiy bo‘limlari tomonidan o‘tkazilgan tezkor tadbirlarda 12 nafar fuqaro noqonuniy daromad orttirish maqsadida yong‘in xavfsizligi qoidalarini buzgan holda qimmat narxlarda “Ai-80” va “Ai-92” markali benzin yoqilg‘isini chakana sotish bilan shug‘ullanib kelayotganliklari aniqlanib, ulardan jami 695 litr benzin yoqilg‘isi ashyoviy dalil sifatida olib qo‘yildi.
➖Shu bilan birga, Bosh prokuratura huzuridagi Departamentning Farg‘ona viloyati boshqarmasi hududiy bo‘limlari tomonidan IIB va soliq idoralari xodimlari bilan hamkorlikda o‘tkazilgan tezkor tadbirlarda 26 nafar fuqaro noqonuniy daromad orttirish maqsadida yashash xonadonlarida “Ai-80” markali benzin yoqilg‘isini chakana sotish bilan shug‘ullanib kelayotganliklari aniqlanib, ulardan jami 5 626 litr benzin yoqilg‘isi ashyoviy dalil sifatida olingan.
Mazkur holatlar yuzasidan Ma’muriy javobgarlik to‘g‘risidagi kodeksning tegishli moddalari bilan qonuniy choralar ko‘rilmoqda.
245
