➖Bosh prokuratura huzuridagi Departamentning Bekobod shahar bo‘limi tomonidan IIB xodimlari bilan hamkorlikda o‘tkazilgan tezkor tadbirda fuqaro R.R (muqaddam sudlangan) noqonuniy daromad orttirish maqsadida fuqaro M.X. ga 2 000 litr “AI-91” markali benzin yoqilg‘isini 22 mln so‘m va 100 AQSh dollariga sotgan vaqtida ushlangan.
Shuningdek, R.R. ushbu benzin yoqilg‘isini Bekobod shahridagi “G‘.G‘.” MChJga qarashli yoqilg‘i quyish shoxobchasidan “Isuzu” rusumli yuk avtomashinasida 200 litr hajmli idishlarga quydirib olib chiqqanligi aniqlangan.
Mazkur holatlar yuzasidan tergovga qadar tekshiruv harakatlari o‘tkazilmoqda.
➖Shu bilan birga, Departamentning Buxoro viloyat boshqarmasi hamda hududiy bo‘limlari tomonidan o‘tkazilgan tezkor tadbirlarda 14 nafar fuqaro noqonuniy daromad orttirish maqsadida yashash xonadonlarida “AI-80” markali benzin yoqilg‘isini chakana sotish bilan shug‘ullanib kelayotganliklari aniqlanib, ulardan jami 1 270 litr benzin yoqilg‘isi ashyoviy dalil sifatida olingan.
Mazkur holatlar yuzasidan Ma’muriy javobgarlik to‘g‘risidagi kodeksining tegishli moddalari bilan qonuniy choralar ko‘rilmoqda.
247
