Har yili uygʻonish, yasharish va yangilanish fasli boʻlmish navbahor, qadimiy va goʻzal ayyomimiz Navroʻzi olam arafasida koʻcha-koʻylar, mahallalarni obod qilish, yon-atrofni ozoda, pokiza, tartibli, saranjom holga keltirish oʻzgacha bir anʼanaga aylanib qolgan.
Muborak Ramazon oyi kunlari mahallalar, aholi turarjoylari, xiyobonlar, istirohat bog‘lari, ziyoratgohlar, qabristonlar hamda boshqa maskanlarni obodonlashtirish, ijtimoiy himoyaga muhtoj fuqarolar, nogironligi bor shaxslar va yolg‘iz keksalar holidan xabar olish maqsadida uyushtirilayotgan umumxalq xayriya hasharining birinchi kunida vazirlik mutasaddilari hamda ishchi-xodimlari poytaxtimizning Yashnobod tumani, “Ahmad Yassaviy” mahalla fuqarolar yig‘iniga qarashli ochiq maydonga mevali va manzarali daraxt ko‘chatlarini qadadilar.
Xususan, hashar davomida 50 tup shaftoli, 50 tup olma va 100 tup ignabargli archa ko‘chatlari ekildi.
Shuningdek, maydon hududi tozalanib, toʻplangan chiqindilar alohida belgilangan joylarga olib chiqildi.
231
