Farg‘ona shahrining asosiy qismi va Farg‘ona tumanining ayrim hududlarini elektr energiyasi bilan ta’minlovchi “Quvasoy” podstansiyasining salohiyatini oshirish maqsadida quvvati 40 ming kVA bo‘lgan yangi zamonaviy kuch transformatori olib kelindi.

Mazkur yangi kuch transformatori podstansiyadagi 25 ming kVA bo‘lgan kuch transformatori o‘rniga o‘rnatiladi.

Loyihaga ko‘ra, ushbu podstansiyaga 2 dona xuddi shunday kuch transformatori olib kelinishi rejalashtirilgan.

Loyiha yakunlangach, Farg‘ona shahri hamda Farg‘ona tumanidagi 30 mingdan ortiq aholi va 250 dan ortiq tadbirkorlik subyektlarining elektr ta’minoti sifati yaxshilanadi.

28.03.2024

303