Favqulodda vaziyatlar vazirligi ayni paytda mamlakatimiz hududlarida kuzatilayotgan kuchli shamol paytida quyidagi ehtiyot choralariga rioya qilishimiz kerakligini eslatmoqda:

• yashash joylarida eshik-derazalar, chordoq va havo aylanish tizimlarini mahkam berkiting;
• elektr va gaz vositalarini oʻchiring;
• koʻchalarda daraxt va elektr ustunlari tagida turmang;
• koʻp qavatli binolar balkonlari, deraza tokchalarida turgan hamda tashqaridagi buyumlarni imkon qadar xavfsiz joylarga olib qoʻying yoki mustahkamligini tekshiring;
• shamol kuchayganda, mustahkam qurilgan binolar, yer osti oʻtish yoʻllari va yashirinish mumkin boʻlgan boshqa joylarda muhofazalaning;
• ochiq maydonda yurgan paytingizda pastliklar, chuqurliklar hamda xavfsiz boʻlgan boshqa barcha yerlarga yotgan holda himoyalaning;
• buzilgan binolarga kirmang, xavfli ustunlar, reklama ustunlari va daraxtlar ortiga yashirinmang;
• kuchli shamoldan soʻng elektr hamda gaz jihozlaridan foydalanmoqchi boʻlsangiz, ularni avvalo yaxshilab tekshiring.

28.03.2024

294