Tadbirda mamlakatlarimiz barcha yoʻnalishlar qatori yoqilgʻi-energetika hamda togʻ-kon sanoati va geologiya-qidiruv sohalarida ham izchil hamkorlik qilib kelayotgani alohida qayd etib oʻtildi.
Xususan, “Air Products”, “Schlumberger”, “Honeywell UOP” singari kompaniyalar bilan neft-gaz sohasida, “General Electric“ kompaniyasi bilan elektr energiyasi tarmogʻida bir qator istiqbolli loyihalar amalga oshirilmoqda. USAID tashkiloti bilan esa “Markaziy Osiyo energetikasi” hamda “Kelajak energiyasi” loyihalari boʻyicha hamkorlikda ishlanyapti.
Tomonlar mazkur yoʻnalishlarda oʻzaro aloqalarni yanada chuqurlashtirish uchun katta imkoniyatlar mavjudligini, kelgusida bundan samarali foydalanish ikki taraf uchun ham manfaatli ekanligini taʼkidladilar.
Uchrashuvda Oʻzbekiston Respublikasi energetika vaziri J.Mirzamahmudov, Oʻzbekiston Respublikasi togʻ-kon sanoati va geologiya vaziri B.Islamov qatnashdi.
352
