Bugun soat 09:10 da Toshkent shahridagi «Yunusobod» podstansiyasida 110 kVli «T-2» transformatori avariyaviy oʻchgan. Xavfsizlikni taʼminlash maqsadida 110 kVli «T-1» transformatori ham qoʻlda oʻchirilgan.
Mazkur avariya natijasida Yunusobod tumanidagi ayrim isteʼmolchilar (6 500 ta) va kichik ishlab chiqarish sanoat korxonalari elektr taʼminotidan vaqtinchalik uzilgan.
Soat 11:40 da «T-2» transformatoridagi nosozlik bartaraf qilinib, qayta ishga tushirilgan va isteʼmolchilarning katta qismida elektr taʼminoti qayta tiklangan.
Ayni paytda maxsus brigada tarafidan «T-1» transformatorida taʼmirlash ishlari davom etayotgani bois 2 ming 700 ta isteʼmolchi oʻchiq qolmoqda.
Taʼmirlash ishlari tez fursatlarda oʻz nihoyasiga yetkaziladi hamda isteʼmolchilarning elektr taʼminoti toʻliq tiklanadi.
Keltirilgan noqulayliklar uchun isteʼmolchilardan uzr soʻraymiz.
249
