Бугун, 1 февраль куни И.М.Губкин номидаги Россия давлат нефть ва газ университетининг Тошкент шаҳридаги филиалида Ўзбекистон Республикаси Энергетика вазири Алишер Султоновнинг бир қатор ёшлар ҳамда талабалар билан учрашуви бўлиб ўтди.
Тадбирда Ўзбекистон Республикаси Энергетика вазирлиги ва тизим таркибидаги барча ташкилот раҳбарияти, филиал ўқитувчилари ва талабалар ҳамда оммавий ахборот воситалари вакиллари иштирок этди.
Ўзбекистон Республикаси Олий Мажлиси Қонунчилик палатаси ва Сенатининг қўшма мажлисида мамлакат раҳбарияти нефть ва газ соҳасида муносиб кадрлар тайёрлаш масалаларини илгари сурилган эди. Сўнгги йилларда геологлар, муҳандислар, менежерлар ва жаҳон миқёсидаги нефть ва газ саноатининг бошқа мутахассислари тайёрланди.
Ҳозирги вақтда кўп йиллик иш тажрибасига эга бўлган ёш амалиётчилар ўқув жараёнига жалб қилинмоқда, улар соҳага тегишли корхона ва ташкилотларда амалиёт ўтамоқда.
Бугунги кунда Энергетика вазирлиги тизимида жами 121600 киши ишлайди. Уларнинг 21761 нафари (17,8%) 30 ёшгача бўлган ёш мутахассислар, улардан 444 нафари турли даражадаги менежерлардир. Ёш мутахассисларнинг (21761) 3113 нафари (14,3%) қизлар, шундан 26 нафари менежерлар, шу жумладан 2 та биринчи ўринбосар ва 8 та бўлим бошлиқлари (бўлим, маъмурият, устахона, бўлим).
Вазир Алишер Султонов ўз нутқида президентимиз мурожаатидан келиб чиқадиган вазифалар, соҳа муаммоларини ечишда ёшларнинг ўрни, вазирлик амалга оширмоқчи бўлган режаларга тўхталиб ўтди. Ёш мутахассислар ва талабаларнинг янги лойиҳалари, халқаро олимпиадаларда қатнашиш, спорт комплекслари фаолиятини йўлга қўйиш каби ташаббусларини қўллаб-қувватлади.
Шунингдек, учрашувда филиал талабалари, ёшлар етакчилари нефть ва газ соҳасидаги амалий ишлари, ўзларининг олиб бораётган илмий ишлари ва тадқиқолари, соҳада амалга оширилиши зарур инновацион ғоялари, турли муаммалар ва уларнинг ечимлари ҳамда ўзларининг қатор таклифларни билдиришди.
Учрашувда Кимё фанлари доктори профессор, Академик Сайёра Шарафовна Рашидова, Ўзбекистон халқ артисти Мельникова Галина Витальевна ва шу соҳа профессор устозлари ҳам иштирок этишди.
Эслатиб ўтамиз, И.М.Губкин номидаги Россия давлат нефть ва газ университетининг филиали талабалари билан олдинги учрашув 2019 йил апрель ойида бўлиб ўтган эди. Унда талабалар ва профессор-ўқитувчиларнинг инновацион ғоялари, илмий фаолияти, шунингдек талабалар илмий ишлари кўриб чиқилган эди.
Ўзбекистон Республикаси
Энергетика вазирлиги Матбуот хизмати
2126
