Президентимизнинг 2019 йил 22 августдаги “Иқтисодиёт тармоқлари ва ижтимоий соҳанинг энергия самарадорлигини ошириш, энергия тежовчи технологияларни жорий этиш ва қайта тикланувчи энергия манбаларини ривожлантиришнинг тезкор чора-тадбирлари тўғрисида”ги қарори топшириқлари қаторида энергия самарадорлиги бўйича энг яхши кўрсаткичларга эга бўлган корхоналарни рағбатлантириш механизмларини ишлаб чиқиш ва тасдиқлаш вазифаси белгиланган.
Шу муносабат билан, Ўзбекистон Республикаси Энергетика вазирлиги энергия самарадорликни ошириш ва энергия тежамкорлик бўйича Республика конкурсини ўтказиш тўғрисида эълон қилади.
Конкурсни ўтказиш тартиби “Иқтисодиёт тармоқларида энергия самарадорлик ва энергия тежамкорлик соҳасида амалга оширилган лойиҳалар бўйича республика конкурсини ўтказиш тўғрисида”ги Низомга кўра тасдиқланган.
Мазкур Низомга асосан:
- Конкурсга лойиҳаларни 2018 йил 1 январдан 2020 йил 1 июлгача қабул қилиниши;
- Энергетика вазирлиги - Конкурс ташкилотчиси 2020 йил 30 августга қадар Конкурсда иштирок этиш буюртманомаларини йиғиши;
- Конкурс хайъати 2020 йил 20 октябрга қадар муддатда Конкурсга қўйилган барча ишлар экспертизасини ўтказиши;
- Конкурс натижалари 2020 йил 30 октябрь куни маълум бўлиши;
- Конкурс ғолибларини танлаш ва уларни тақдирлаш шартлари ҳамда ҳар бир номинациядаги ғолиблар дипломлар ва рағбатлантирувчи мукофотлар билан тақдирланиши белгиланган.
Конкурсда қатнашиш учун БУЮРТМАНОМА ШАКЛИ ҳамда бошқа батафсил маълумотларни Ўзбекистон Республикаси Энергетика вазирлиги расмий сайти (www.minenergy.uz)нинг “Энергия самарадорлик бўйича ахборот портали” (http://minenergy.uz/uz/lists/view/68)дан олишингиз мумкин.
Энергетика вазирлиги Матбуот хизмати
1371
