Oʻzbekiston Respublikasi hamda Saudiya Arabistoni Podshohligi Energetika vazirliklari tomonidan tuzilgan Energiya samaradorligi boʻyicha Ishchi guruh milliy va xalqaro tajribani oʻrganmoqda.
Xususan, Saudiya energiya samaradorligi markazi (SEEC) direktori Nasser Alghamdi hamda mazkur markaz direktor o‘rinbosari Naif Alragass bu borada Saudiya Arabistoni Podshohligida amalga oshirilayotgan ishlar, jumladan, qonunchilik bazasining shakllantirilishi bosqichlari, energiya samaradorlikni taʼminlashga xizmat qiladigan meʼmoriy yechimlar, soliq hamda bojxona imtiyozlarini qoʻllash, mahalliy ishlab chiqaruvchilarni ragʻbatlantirish va qoʻllab-quvvatlash boʻyicha koʻrilayotgan chora-tadbirlar haqida batafsil gapirib berishdi.
Oʻzbekiston tomonidan esa Energetika vazirligi bosh mutaxassisi Bekzod Asadov yurtimizda energiya samaradorlikka erishilishi boʻyicha joriy holat hamda bu borada xalqaro tajribadan kelib chiqib, tizimga implementatsiya qilinishi koʻzda tutilgan huquqiy va meʼyoriy hujjatlar, suv xoʻjaligi, qishloq xoʻjaligi, qurilish va uy-joy kommunal xizmati koʻrsatish sohalarida energiya samaradorlikka erishishning birlamchi omillari haqida taqdimot qildi.
Ishchi guruh oʻz ishini davom ettirmoqda.
286
