Жорий йилнинг 4 февраль куни Энергетика вазири Алишер Султонов Буюк Британиянинг Ўзбекистондаги элчиси Тимоти Ахилл билан учрашди. Учрашувда Британия компаниялари ва ташкилотлари иштирокида нефть-газ соҳасида амалга оширилаётган лойиҳаларнинг бориши муҳокама этилди.
Жумладан, томонлар «British Petroleum» (Буюк Британия) ва «SOCAR» (Озарбайжон) компаниялари билан ҳамкорликда Ўзбекистон Республикасидаги инвестиция блокларида (Оролбўйи, Самск-Косбулакск ва Бойтерак) геология-қидирув ишларини ўтказиш имкониятларини ўрганилмоқда.
Мазкур ҳамкорлик доирасида 2018 йилнинг май ойида ўзаро англашув Меморандуми ва 2019 йилнинг май ойида - Устюрт ҳудудидаги учта инвестиция блокидаги қидирув салоҳиятини баҳолаш бўйича қўшма тадқиқотлар ўтказиш тўғрисида битим имзоланган эди. Ўтган вақт ичида Ўзбекистон Республикаси Энергетика вазирлиги, «Ўзбекнефтгаз» АЖ, BP ва «SOCAR» компаниялари мутахассислари иштирокида бир қатор учрашувлар ўтказилиб, бир қанча келишувларга эришилди.
2020 йил февраль ойида BP ва «SOCAR» мутахассислари мамлакатимизга ташриф буюриб, келишувнинг асосий шартларини СРП («Маҳсулотни тақсимлаш тўғрисида келишув») муҳокама этишлари кутилмоқда.
Мулоқотда таъкидланганидек, Энергетика вазирлиги бўлажак учрашувда самарадорликка эришиш учун Британия томони қўшма лойиҳани техник баҳолашни тезлаштиришини кутмоқда.
Буюк Британия дипломатик ваколатхонаси вакиллари ушбу мамлакат инвесторларининг Ўзбекистонда амалга оширилаётган истиқболли лойиҳаларга қизиқиши ортиб бораётганини таъкидладилар.
Томонлар шунингдек, ўзаро ҳамкорликнинг истиқболлари йўналишларини муҳокама қилдилар.
Ўзбекистон Республикаси
Энергетика вазирлиги Матбуот хизмати
916
