Маълумки, 2017 — 2021 йилларга мўлжалланган Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларни амалга оширишга қаратилган кенг кўламли ислоҳотлар амалга оширилмоқда.
Стратегияда меҳнат бозори талабларига мос юқори малакали кадрларни тайёрлаш, таълим сифатини баҳолашнинг халқаро стандартларини жорий этиш, инновацион илм-фан ютуқларини амалиётга татбиқ этишнинг самарали механизмларини яратиш орқали мамлакатда таълим тизимини ислоҳ қилиш бўйича ҳам изчил ислоҳотлар жорий этилмоқда.
Президентимизнинг 2019 йил 6 сентябрдаги “Профессионал таълим тизимини янада такомиллаштиришга доир қўшимча чора-тадбирлар тўғрисида”ги Фармонига мувофиқ, Ўзбекистон Республикаси Олий ва ўрта махсус таълим вазирлиги ҳамда Энергетика вазирлигининг тегишли қўшма қарори қабул қилинди.
Ушбу қарорга мувофиқ республикамиз ҳудудларида жойлашган тўртта касб-ҳунар коллежи, хусусан, Тахиатош энергетика касб-ҳунар коллежи, Нишон саноат-энергетика касб-ҳунар коллежи, Ширин энергетика ва маиший хизмат касб-ҳунар коллежи ва Қибрай тумани энергетика касб-ҳунар коллежи “Иссиқлик электр станциялари” акциядорлик жамияти тасарруфига ўтказилди.
Фармон талабларидан келиб чиққан ҳолда, мазкур коллежлар “Иссиқлик электр станциялари” акциядорлик жамияти тасарруфидаги “Тахиатош энергетика коллежи”, “Нишон энергетика коллежи”, “Ширин энергетика коллежи” ҳамда “Қибрай энергетика коллежи” деб аталади.
Ўзбекистон Республикаси
Энергетика вазирлиги Матбуот хизмати
1170
