Mavsumga tayyorgarlik doirasida elektr stansiyasining barcha energoblokida reja-jadvalga muvofiq ta’mirlash-sozlash ishlari bosqichma-bosqich amalga oshirilmoqda. Bundan ko‘zlangan asosiy maqsad, ishni samarali tashkil etish va mazkur energiya inshootida elektr energiyasi ishlab chiqarish barqarorligini ta’minlashdan iborat.

Ayni damda quvvati 300 MVtga teng bo‘lgan 1-sonli energoblokda mukammal ta’mirlash ishlari olib borilyapti.

Shu bilan birga, transformator, qozon agregati, turbina, generator rotori va energoblok statorida aniqlangan kamchiliklar bartaraf qilinadi.

Ta’mirlash ishlariga stansiya hamda “O‘zbekenergota’mir” AJning 200 nafardan ortiq malakali mutaxassislari jalb etilgan.

25.06.2024

187