Joriy yilning 22 – 25-iyun kunlari Global Energiya aloqalarini rivojlantirish va hamkorlik tashkiloti (GEIDCO, Xitoy) Bosh kotibi Vu Xuan boshchiligidagi delegatsiya a’zolari ekologik toza energiya masalalari va energiyani o‘zaro bog‘lash strategiyalarini muhokama qilish uchun O‘zbekistonda bo‘ldi.
Ushbu tashrif doirasida 23-iyun kuni GEIDCO va “MEI” Milliy tadqiqot universitetining Toshkent shahridagi filiali rahbariyati o‘rtasida uchrashuv bo‘lib o‘tdi. Unda O‘zbekistonda energetika sohasida kadrlar tayyorlash borasida amalga oshirilayotgan ishlar hamda bu borada Filial faoliyati va yutuqlari haqida batafsil ma’lumot berildi.
Tomonlar o‘zaro manfaatli sohalarda, xususan, elektr energetikasi tarmog‘ini tirivojlantirishda hamkorlik qilish imkoniyatlarini muhokama qildilar. Shuningdek, GEIDCO tomonidan global elektr energetika sektorini rivojlantirishda xalqaro hamkorlikni kengaytirishga qaratilgan dunyodagi birinchi raqamli platforma – “World of Energy platformasi Interconnection” (WEI) taqdimot qilindi.
Delegatsiya aʼzolari Filialda yaratilgan sharoitlar bilan tanishtirildi.
Uchrashuv yakunida tomonlar elektr energetika, fan va ta’lim sohalarini rivojlantirish bo‘yicha o‘zaro hamkorlik masalalari yuzasidan muzokaralarni davom ettirishga kelishib oldilar.
172
