Elektr energiyasi iste’moli gо‘yoki notо‘g‘ri hisoblanayotgani haqida xabarlar tarqalishi davom etmoqda. Xususan, Samarqand viloyatida istiqomat qiluvchi iste’molchining fikricha, 1000 kVt⋅soatga yetmagan elektr energiyasi iste’moli uchun 1 350 sо‘mdan tо‘lov hisoblangan.
Bunga о‘xshash, ya’ni ayrim iste’molchilar tomonidan 200 kVt⋅soat ijtimoiy normadan oshmagan bо‘lsa-da, elektr energiyasi uchun tо‘lovlar yuqori tariflarda hisoblanayotgani tо‘g‘risida ma’lumotlar qoldirilgan.
“Hududiy elektr tarmoqlari” AJ tomonidan bu kabi holatlar yuzasidan rasmiy munosabat hamda OAV orqali video shaklidagi tushuntirishlar berilganiga qaramay, ayni mavzuda murojaatlar bo‘lib turibdi.
Hurmatli elektr energiyasi iste’molchilari!
Yana bir bor eslatamiz, elektr energiyasini hisobga olish va nazorat qilishning avtomatlashtirilgan tizimi (ASKUE) iste’molchilarga о‘rnatilgan hisoblagichlar orqali kun yakuni bilan, ya’ni soat 00:00 da iste’mol qilingan kо‘rsatkichlarni tizimga yuboradi, о‘z navbatida, billing tizimi hisoblagich kо‘rsatkichlarini sutka davomida iste’molchilarning hisob raqamiga yozib olib, hisob-kitoblarni amalga oshiradi.
Yangi oy boshlanganligi sababli о‘tgan oyning oxirgi kunidagi bir kunlik iste’mol yangi oyga qо‘shiladi va о‘tgan oyda iste’mol 200 kVt⋅soatdan oshganligi sababli keyingi kо‘rsatkichlar 900 sо‘m hamda undan yuqori belgilangan tariflarda hisoblab kо‘rsatiladi. Iste’molchilarda shubha uyg‘otayotgan elektr energiyasi miqdori haqidagi ma’lumotlar о‘tgan oyning oxirgi bir kunlik hisob-kitobi ekanligiga e’tiboringizni qaratmoqchimiz.
Shu о‘rinda iste’molchilarga mazkur tizimda barcha funksiyalar raqamlashtirilganligi hamda inson omili ishtirok etmasligini eslatgan holda, hisoblagichlardagi har bir kо‘rsatkichlar aniqlik bilan hisob-kitob qilinishini ma’lum qilamiz.
283
