“O‘zenergoinspeksiya”, Bosh prokuratura huzuridagi Departament hamda elektr ta’minoti korxonalari xodimlari bilan hamkorlikda oʻtkazilayotgan nazorat tadbirlarida elektr energiyasidan noqonuniy foydalanish holatlari aniqlanmoqda.
Xususan, Andijon tumanida faoliyat yuritayotga “K.D.” MCHJ masʼul shaxslari va boshqalar “Sultonobod” MFY hududida joylashgan ushbu MCHJga qarashli savdoni tashkil qilish uchun maydonlarini ijaraga berish faoliyatini amalga oshirish davomida umumiy foydalanishdagi elektr tarmog‘iga o‘rnatilgan elektr energiyasini hisobga olish uskunasiga qasddan tashqi taʼsir ko‘rsatib, jami 269 mln so‘mlik elektr energiyasidan noqonuniy foydalanganliklari aniqlangan.
Bu kabi holat, Jarqo‘rg‘on tumanida istiqomat qiluvchi fuqaro J.P. o‘ziga tegishli suv nasosini umumiy foydalanishdagi tarmoqqa ulab, jami 227,8 mln so‘mlik elektr energiyasidan noqonuniy foydalanganligi aniqlangan.
Rishton tumani va Marg‘ilon shahrida esa “B-M.” fermer xo‘jaligi va “M.M.” xususiy korxonasi rahbarlari elektr hisoblagich ko‘rsatkichlarini o‘zgartirish uchun tashqi taʼsir o‘tkazib, tijorat maqsadida 186,7 mln so‘mlik elektr energiyasidan noqonuniy foydalanganliklari aniqlangan.
Mazkur holatlar yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.
127
