![](/uploads/513b0488-54cc-655a-6747-44f267a85187_news_.jpg)
Bosh prokuratura huzuridagi Departamentning Xorazm viloyati, Qo‘shko‘pir tumani bo‘limi tomonidan o‘tkazilgan tergovga qadar tekshiruvda “B.S.” fermer xo‘jaligi rahbari va boshqalar o‘zaro til biriktirib, tijorat maqsadida “MTZ-80” motorli suv nasosi uskunasini elektr tarmog‘iga to‘g‘ridan-to‘g‘ri ulab, 417 mln so‘mlik tabiiy gazdan noqonuniy foydalanganliklari aniqlangan.
Departamentning Farg‘ona viloyati, Uchko‘prik tumani bo‘limi tomonidan o‘tkazilgan tergovga qadar tekshiruvda “Sh.O.” MCHJ rahbari O.Yu. MCHJ ishlab chiqarish sexidagi uskunalarni umumiy foydalanishdagi gaz tarmog‘iga yashirincha ulab, 286,2 mln so‘mlik tabiiy gazdan noqonuniy foydalanganligi aniqlangan.
Shu kabi, Departamentning Andijon viloyati, Buloqboshi tumani bo‘limi tomonidan va “O‘zenergoinspeksiya”ning viloyat boshqarmasi xodimlari hamkorligida o‘tkazilgan tergovga qadar tekshiruvda “N.F-M.” MCHJ energetigi A.Z. va boshqalar MCHJning ishlab chiqarish uskunalarini tijorat maqsadida umumiy foydalanishdagi elektr tarmog‘iga to‘g‘ridan-to‘g‘ri ulab, 230 mln so‘mlik elektr energiyasidan noqonuniy foydalanganliklari aniqlangan.
Departamentning Buxoro viloyati, Shofirkon va Romitan tumanlari bo‘limlari tomonidan o‘tkazilgan tergovga qadar tekshiruvda “I.F.” fermer xo‘jaligi hamda “Ch.K.” MCHJ mas’ul shaxslari elektr suv nasoslarini umumiy foydalanishdagi elektr tarmog‘iga tijorat maqsadida to‘g‘ridan-to‘g‘ri ulab, jami 122,6 mln so‘mlik elektr energiyasidan noqonuniy foydalanganliklari aniqlangan.
Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.
![](/img/view_icon.png)