Bugun ijtimoiy tarmoqlarda fuqaro Farrux Jabbarov tomonidan elektr energiyasi yetkazib berish va hisob-kitobida muammolar borligini, xususan, xonadonida kuchlanish belgilangan me’yorlardan pastligi hamda joriy yilning iyun oyida hisob-kitobda ortiqcha hisoblanganligi tо‘g‘risida xabar e’lon qilindi.
“Hududiy elektr tarmoqlari” AJ mazkur holat yuzasidan о‘rganish о‘tkazib, murojaatchi bilan muloqot qilgan holda quyidagilarni ma’lum qiladi:
Toshkent shahar, Chilonzor tumani, Sharq tongi kо‘chasida istiqomat qiluvchi fuqaro xonadonida ayni paytda yetkazib berilayotgan elektr energiyasi quvvati me’yorida ekanligini ma’lum qildi.
Shuningdek, murojaatida ma’lum qilgan elektr energiyasi hisobi haqida tо‘lov tizimlari ma’lumotiga asosan bergan xabari “Hududiy elektr tarmoqlari” AJning ma’lumotlar bazasidan tekshirilganda mutlaqo asossiz ekanligi ma’lum bо‘ldi. Iste’molchiga О‘zbekiston Respublikasi Vazirlar Mahkamasining 2024-yil 16-apreldagi 204-sonli qaroriga muvofiq iste’mol qilingan elektr energiyasi miqdori tabaqalashtirilgan tarifda tо‘g‘ri va aniq hisoblangan.
Shu bilan bir qatorda, iste’molchiga elektr energiyasi hisobi kо‘rsatkichlari tо‘g‘risida aniq va tо‘g‘ri ma’lumotlarni “Hududiy elektr tarmoqlari” AJning rasmiy veb-saytidagi “Shaxsiy kabinet” orqali kuzatib borishi haqida tavsiya berildi.
228
