Bugun “Uzdiplomat” saytida “Iste’molchilar huquqlarini himoya qilish jamiyatlari federatsiyasi 200 kVt·soat elektr iste’moli limitini 400 kVt·soatga oshirishni so‘rab Energetika vazirligiga murojaat qilgan. Murojaat xati 5-iyul sanasida yuborilganiga qaramay Energetika vaziri Jo‘rabek Mirzamahmudov tomonidan xatga javob qaytarilmagan” mazmunida xabar e’lon qilindi. Keyin bir muddat o‘tib, “Federatsiyaning mazkur taklifiga Energetika vazirligining javobi haqida ma’lumotlar yo‘q”, deya tahrirlab qo‘yishdi.
Ushbu xabarga asosan quyidagilarni ma’lum qilamiz:
Xabarda aytilganidek, 2024-yil 5-iyul sanasi bilan Iste’molchilar huquqlarini himoya qilish jamiyatlari federatsiyasining xati kelgan.
Ushbu xatga O‘zbekiston Respublikasining 2017-yil 11-sentabrda “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonuniga o‘zgartish va qo‘shimchalar kiritish haqida”gi O‘RQ-445-sonli Qonunining 28-moddasiga asosan Energetika vazirligining 2024-yil 18-iyuldagi 02-06-5332-sonli javob xati yuborilgan.
Shuni inobatga olib, “Uzdiplomat” sayti mas’ullaridan tasdiqlanmagan yoki bir tomonlama olingan ma’lumotni chiqarishdan oldin ikkinchi tomon bilan ham bog‘langan holda to‘g‘ri, ishonchli va xolis axborot chiqarishlarini so‘raymiz.
Shuni alohida ta’kidlaymizki, aholi orasida shov-shuv ko‘tarish bilan yolg‘on ma’lumot tarqatganlik uchun qonunchilikda belgilangan tartibda javobgarlik mavjud.
269
