Bosh prokuratura huzuridagi Bekobod tumani bo‘limi, IIB va ETK “Zafar” filiali xodimlari hamkorligida o‘tkazilgan tezkor tadbirda fuqaro O‘.B. “B.” MCHJga qarashli yer maydonidagi suv nasoslarini hisoblagichdan tashqari umumiy foydalanishdagi tarmoqqa ulab, jami 310,7 mln so‘mlik elektr energiyasidan noqonuniy foydalanganligi aniqlangan.
Shu kabi Departamentning Beshariq tumani bo‘limi tomonidan o‘tkazilgan tergovga qadar tekshiruvda “A.B.” fermer xo‘jaligi mas’ul shaxslari xo‘jalik ekin yer maydonini sug‘orishda jami 99,6 mln so‘mlik elektr energiyasidan noqonuniy foydalanganligi aniqlangan.
Departamentning Yangiyo‘l shahar bo‘limi tomonidan o‘tkazilgan tergovga qadar tekshiruvda esa YATT N.K. “Fayzobod” MFY hududidagi savdo do‘konida konditsioner va muzlatkichlarini tijorat maqsadida umumiy foydalanishdagi elektr tarmog‘iga yashirincha ulab, jami 208,9 mln so‘mlik elektr energiyasidan noqonuniy foydalanganligi aniqlangan.
Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.
256
