“Yashil energiya” mas’uliyati cheklangan jamiyati ijtimoiy soha obyektlari, davlat organlari hamda boshqa tashkilotlarning bino va inshootlarida kichik quvvatli qayta tiklanuvchi energiya manbalari qurilmalarini o‘rnatish hamda ekspluatatsiya qilish ishlarini olib bormoqda.
Xususan, bugungi kunga qadar kompaniya tomonidan 937 ta ijtimoiy soha obyektida umumiy quvvati 42,2 MVt bo‘lgan quyosh fotoelektr stansiyalari foydalanishga topshirilgan bo‘lib, ular orqali “yashil” energiya ishlab chiqarilmoqda.
Kompaniya tomonidan hozirgi kunda Toshkent shahridagi 97 ta ijtimoiy soha obyektida umumiy quvvati 2 MVt, Navoiy viloyatidagi 17 ta obyektda umumiy quvvati 1 MVt bo‘lgan quyosh fotoelektr stansiyalarini o‘rnatish va qabul qilish ishlari olib borilmoqda.
Shuningdek, bugungi kunda respublika miqyosida umumiy quvvati 3 MVt bo‘lgan quyosh fotoelektr stansiyalarini qurish ishlari olib borilmoqda.
Bundan tashqari, respublika bo‘yicha qo‘shimcha ravishda 10 MVt quvvatdagi quyosh fotoelektr stansiyalarini qurish ishlarini o‘rganish tadbirlari olib borilmoqda.
Ma’lumot uchun: kompaniyaning hududiy filiallari ham bo‘lib, ular quyosh fotoelektr stansiyalarining ish rejimlarini doimiy nazorat qilish, yuzaga kelgan nosozliklarni o‘z vaqtida aniqlash hamda bartaraf etish, quyosh panellariga yuqori malakali servis xizmati ko‘rsatish singari xizmatlarni taqdim qilib kelyapti.
660
