Маслаҳатчиларнинг вазифаси лойиҳаларни амалга ошириш бўйича хизматларни тақдим этишдан иборатдир.
Лойиҳа доирасида бир қатор ишларни амалга ошириш, жумладан: Навоий ИЭС, Тўрақўрғон ИЭС, Тошкент ИЭСда ўрнатилган буғ-газ қурилмалари (БГҚ) ва газ турбинали қурилмалар (ГТҚ) ни режали текшириш учун эҳтиёт қисмлар ва хизматларни етказиб бериш, белгиланган иссиқлик электр станцияларида муҳандислар учун техник тайёргарлик, шунингдек уларга масофадан туриб мониторинг тизимини ўрнатиш вазифалари кўзда тутилган.
Лойиҳани амалга ошириш Ўзбекистон Республикаси ҳукумати томонидан Япония халқаро ҳамкорлик агентлиги («JICA») томонидан олинган маблағлар ҳисобидан амалга оширилади. Лойиҳа доирасидаги маслаҳат хизматлари учун тўловнинг бир қисми «Иссиқлик электр станциялари» АЖ маблағлари ҳисобидан амалга оширилади.
«Иссиқлик электр станциялари» АЖ томонидан жалб этилган маслаҳатчилар гуруҳи лойиҳани бошқаришда ёрдам бериш учун барча зарур техник ва маъмурий хизматларни, шу жумладан мақсадли иссиқлик электр станцияларини техник қўллаб-қувватлашни, эксплуатация ва техник хизмат кўрсатиш ва қувватларни ҳамда электр станцияларни ривожлантириш, муҳандислик борасидаги тавсиялар ва таклифларни, назоратни таъминлайди.
Бу ҳақдаги батафсил маълумотлар Энертегика вазирлиги сайтида
жойлаштирилган:
Ўзбекистон Республикаси
Энергетика вазирлиги Матбуот хизмати
1191
