Бугун Ўзбекистон Республикаси Энергетика вазирлиги ҳузурида Электр энергетикада назорат инспекциясида Ўзбекистон Республикаси Президенти хузуридаги тадбиркорларлик субъектларини хуқуқлари ва қонуний манфаатларини химоя қилиш бўйича вакили томонидан “Тадбиркорлик субъектларида ўтказиладиган назорат тадбирларида йўл қўйилиши мумкин бўлган қонун бузулиш ҳолатларини олдини олиш ва “текширишларни рўйхатга олиш ягона тизими”ини амалиётда қўллаш” юзасидан очиқ семинар ўтказилди.
Ўтган йил давомида инспекцияси ходимлари томонидан тадбиркорлик субъектларининг ҳуқуқий билимларини ошириш, уларнинг ҳаракат хавфсизлигини таъминлашда нималарга эътибор қаратишлари лозимлиги борасида мунтазам тушунтириш ишларини олиб борилди.
Семинар мобайнида айни вақтга қадар аниқланган қонунбузилиш холатлари, улар содир этилиши сабаблари ва имкон яратаётган шарт-шароитлар танқидий муҳокама қилинди. Шу билан бир қаторда семинар давомида тадбиркорлар томонидан содир этилаётган жиноятлар учун белгиланган жавобгарлик, коррупция моҳияти ва унга қарши курашиш масаласи бўйича атрофлича тушунтириш берилди.
– Инспекцияга келиб тушаётган мурожаатларни қонуний асосда тезкорлик билан ижобий ҳал қилинмоқда. Электр энергиядан фойдаланиш хавфсизлигини таъминлаш йўлида профилактик тадбирларнинг ўрни ва аҳамияти беқиёс, – дейди “Ўзэнергоинспекция”нинг Фарғона ҳудуддий бўлим бошлиғи Хуршиджон Эшқузиев. – Тадбирлар давомида биз нафақат эҳтимолий камчиликларни бартараф этамиз, балки уларни келтириб чиқариши мумкин бўлган омиллар ва сабабларни ҳам тадбиркорлар билан муҳокама қиламиз. Ишбилармонлар бевосита мулоқот давомида ўзларини қизиқтирган саволларга ҳам атрофлича жавоб олишади ва ишларини шу йўсинда ташкил этишади.
Тадбирда инспекция ходимлари доирасида қонунийликни мустаҳкамлаш, тадбиркорлик субъектларини фаолиятга тегишли қонун ҳужжатларини жойларда самарали ижро этилиши, мавжуд муаммолар ечимини топиш, тадбиркорларнинг ҳуқуқий онги ва бизнес юритиш маданиятини юксалтириш ва ижтимоий масъулиятини ошириш хусусида кенг фикр алмашилди.
Учрашувда “Ўзэнергоинспекция” ходимлари ўзларини қизиқтирган саволларга батафсил жавоблар олишди.
“Ўзэнергоинспекция” Матбуот хизмати
3139
