Дунёдаги энг йирик «Shell» нефтегаз компанияси Ўзбекистон Республикаси Энергетика вазирлиги кўмагида Тошкентда 2020 йил 25-26 февраль кунлари соҳадаги инновацияларга бағишланган семинар ўтказмоқда.
«Shell» савдо белгиси билан машҳур бўлган Британия-Нидерландия «Royal Dutch Shell» нефтегаз компанияси 2018 йилда Forbes Global рейтингига кўра дунёдаги энг йирик нефтегаз компанияси деб тан олинди.
Семинарнинг биринчи кунида «Shell» экспертлари «Монетизация ва табиий газга ишлов бериш: янги объектлар учун технологиялар ва дизайннинг ўзига хослиги», «Табиий газга ишлов бериш: мавжуд блоклар учун технологиялар ва эксплуатациявий ўзига хослик» каби мавзуларда тақдимотлар ва мунозаралар ўтказади.
Иккинчи куни «Нефтни қайта ишловчи ва кимёвий катализаторлар ҳамда янги ва мавжуд қурилмалар учун технологиялар», «Қазиб олиш ва қайта ишлаш объектлари учун SO2 чиқарилишини камайтириш технологиялари» ва бошқа масалалар кўриб чиқилади.
Ёқилғи-энергетика комплексида инновациялар бўйича энг яхши халқаро тажрибани ўрганиш унинг ҳолати ва ривожланиши Ўзбекистон Энергетика вазирлиги томонидан мувофиқлаштириладиган ушбу соҳани кенг кўламли ислоҳ қилиш доирасида мутахассислар малакасини оширишнинг бир қисми ҳисобланади.
Ўзбекистон Республикаси
Энергетика вазирлиги Матбуот хизмати
1253
