Энергетика вазирлиги ҳузуридаги “Ўзэнергоинспекция”нинг Тошкент вилояти ҳудудий бўлими ва Мажбурий ижро бюроси Тошкент вилояти бошқармасининг қўшма иш режасига асосан ҳудудларда истеъмолчиларнинг электр энергиясидан фойдаланиш қоидалари бўйича ўрганишлар натижасида юридик шахслар томонидан қонун бузилиш ҳолатлари аниқланди.
Энергияси ресурсларидан самарасиз фойдаланишларнинг олдини олиш, электр энергияси хақини ўз вақтида тўлаш, энергия ресурсларини тежаш, истеъмол маданиятини ошириш ҳамда электр энергиясидан ноқонуний фойдаланишни олдини олиш мақсадида шу йилнинг ўтган ойидаги ўрганишлар мобайнида Тошкент вилояти Бўстонлиқ туманидаги истеъмолчи “ARCHAZOR CHIMGAN” МЧЖ томонидан электр энергиясидан ноқонуний фойдаланиш ҳолати аниқланди.
Истеъмолчи электр энергиясини ўғирлаш мақсадида электр трансформаторининг иккиламчи занжир қисмига сим ташлаш (перимичка) йўли орқали электр энергиясини ўғирлаш ҳолати аниқланди.
Ушбу ҳолат бўйича Тошкент вилояти Мажбурий ижро бюроси томонидан қоидабузарлик далолатномаси расмийлаштирилди ва истеъмолчи электр тармоғидан узилди.
“Ўзэнергоинспекция”нинг Тошкент ҳудудий бўлими мутахассиси хулосаси асосида Бўстонлиқ тумани электр таъминоти корхонаси ва Ўзбекистон Республикаси Бош прокуратураси хузуридаги Мажбурий ижро бюроси Тошкент вилояти бошқармаси инспекторлари томонидан истеъмолчи “ARCHAZOR CHIMGAN” МЧЖ ушбу қоидабузарлик бўйича Ўзбекистон Республикаси Вазирлар Маҳкамасининг 2018 йил 12 январдаги 22-сонли қарорига асосан мазкур МЧЖга 606 528 000 сўм қайта ҳисоб-китоб амалга оширилди.
Электр энергиясидан фойдаланиш қоидаларига риоя қилиш бўйича чора-тадбирлар давом этмоқда.
Энергетика вазирлиги Матбуот хизмати
“Ўзэнергоинспекция” Матбуот хизмати билан ҳамкорликда
1320
